Bu gün 144 yoluxma, 435 sağalma, 3 ölüm faktı qeydə alınıb
06.08.2020
Avqustun 6-da Azərbaycanda koronavirusa yeni yoluxma hallarının müəyyənləşdirilməsi ilə əlaqədar 7050 test aparılıb. Ötən müddət ərzində aparılan testlərin sayı 766 min 179-a çatıb.
Bu barədə Tibbi Ərazi Bölmələrini İdarəetmə Birliyindən (TƏBİB) məlumat verilib.
Hazırda müalicəsi davam etdirilən aktiv koronavirus xəstələrinin sayı 3493 nəfərdir. Xəstələrdən 263 nəfəri reanimasiyadadır ki, onlardan da 58-i süni tənəffüs cihazına qoşulub.
Xatırladaq ki, avqustun 6-da Azərbaycanda koronavirus infeksiyasına daha 144 yoluxma faktı qeydə alınıb, 435 nəfər müalicə olunaraq sağalıb və evə buraxılıb. COVID-19 üçün götürülən analiz nümunələri müsbət çıxmış üç nəfər vəfat edib.
