Qaradağ meşələrində yenidən yanğın başladı
09.07.2020
Güney Azərbaycanın Qaradağ bölgəsinin meşələrində yanğın yenidən şiddətlənib.
Bu barədə Şərqi Azərbaycanın Böhranın İdarə Edilməsi İdarəsinin rəisi Məhəmmədbağır Hünərbər məlumat yayıb.
Onun sözlərinə görə, yanğınsöndürən helikopter Təbrizdə yanacaq dolduraraq Qaradağ meşələrini söndürməyə yola düşüb:
"Qaradağ meşələrində yanğın yenidən şiddətlənib. Xudafərinin Qaratikanlı bölgəsində yanğın əvvəlkindən daha kəskindir. Orada baş verən yanğının söndürülməsi ilə əməliyyatın dayandırılması göstərişi verilmişdi. Lakin yenidən Xudafərinin Qaratikanlı bölgəsində 3 yerdə yanğın daha kəskin formada başlayıb”.
