Polis sanksiyalara məruz qalacaq
04.06.2020
Polisin hər bir səhvi, həddi aşması, hər sözü, o cümlədən irqçi ifadələri istintaq, sanksiya obyekti olacaq.
Bu sözləri Parisdə polis zorakılığına qarşı etiraz nümayişinin ertəsi günü Daxili İşlər naziri Kristof Kastaner Senatda çıxışında deyib.
"Dövlət zorakılıq tətbiq etmir. Oxşar insidentlər olduqda və polis tərəfindən yol verilmiş nöqsanlar olduqda araşdırmalar aparılır və zəruri hallarda sanksiyalar tətbiq olunur”, - deyə hökumətin sözçüsü Sibet Ndiaye deyib.
S. Ndiaye mətbuat konfransında qeyd edib ki, Fransa ilə ABŞ-ı müqayisə etmək olmaz, bu ölkələrdə baş verən son hadisələr həm tarixi, həm də cəmiyyətin təşkili baxımından müqayisə olunmazdır. O, bu hadisələrdən danışanda ehtiyatlı olmağa səsləyib.
