Mayın 6-sı axşam saatlarından başlayan güclü yağış Quba rayonunda fəsadlar törədib.
Güclü yağış nəticəsində yaranan sel Cağacıq çayı üzərindəki 6 metr uzunluğundakı iki körpünü yarasız hala salıb. Xanəgah kəndini iki hissəyə ayıran çayın üzərindəki bu körpülər ötən ilin sonlarında istifadəyə verilmişdi.
Quba Rayon İcra Hakimiyyətinin Rustov inzibati ərazi dairəsi üzrə nümayəndəsi Behbud Rəhimov bildirib ki, fəsadların aradan qaldırılması üçün əraziyə texnika cəlb olunub. Çayda suyun səviyyəsi aşağı düşdükdən sonra körpülərin bərpası həyata keçiriləcək.
