İranda vəziyyət necədir
02.05.2020
İranda koronavirusa yoluxanların sayı artmaqda davam edir.
Bu barədə məlumatı İranın Səhiyyə Nazirliyinin mətbuat katibi Kiyanuş Cahanpur verib. O bildirib ki, son 24 saat ərzində 802 nəfər virusa yoluxan aşkar edilib, 62 nəfər isə həyatını itirib.
Ümumilikdə İranda koronavirusa yoluxanların sayı 96 min 448 nəfərə, ölənlərin sayı isə 6 min 156-ya çatıb. Bununla yanaşı xüsusi xəstəxanalarda müalicə alan 77 min 350 nəfər sağalaraq evə buraxılıb.
Mətbuat katibi qeyd edib ki, yoluxma və ölüm halları azalmaqda davam edir. Lakin vətəndaşlar diqqətli olmalı, sosial məsafəni gözləməli, tibbi maska və əlcəklərdən istifadə etməlidirlər.
