Məhdudiyyətlər qüvvədə saxlanılıb
29.04.2020
Türkiyənin yeni növ koronavirusun (COVID-19) yayılmasının qarşısının alınmasına üçün apardığı mübarizə nümunəvi xarakter daşıyır.
Bu fikirləri Türkiyənin Səhiyyə naziri Fahrettin Koca nazirliyin Elmi Komitəsinin növbəti toplantısından sonra keçirdiyi mətbuat konfransında ifadə edib.
Türkiyədə koronavirusa ilk yoluxma halının martın 11-də aşkar edildiyini diqqətə çatdıran nazir ölümcül xəstəliyə qarşı mübarizədə keçilən yolla bağlı müfəssəl məlumat verib. Bildirib ki, hazırda 7428 tibb işçisi virusa yoluxanların müalicəsi prosesində iştirak edir. Hazırda yoluxma və ölüm hallarında kəskin azalma müşahidə olunur. Bu, virusla mübarizədə düzgün yolun seçilməsi və əhalinin mövcud qaydalara əməl etməsi sayəsində baş verir.
Qeyd edək ki, Türkiyədə koronavirusla bağlı mövcud məhdudiyyətlər hələ də qüvvədədir.
