Fransa MN ordu üçün dərman alıb
24.04.2020
Fransa Müdafiə Nazirliyi ordu üçün COVID-19 virusuna qarşı mübarizə məqsədilə xlorokin əsaslı dərman alıb.
Nazirlik bunun ehtiyat alışı olduğunu təsdiqləyib. Bildirilib ki, bir neçə həftədir Fransada COVID-19 epidemiyasına qarşı mübarizədə böyük müzakirələrə səbəb olan bu dərmanın səmərəliliyi səhiyyə rəhbərliyi tərəfindən təsdiqlənib.
Xlorokin (və ya hidroksixlorokin və azitromisin antibiotikindən ibarət) əsasında müalicə COVID-19 epidemiyası başlayandan Marseldən olan professor Raul Didye, eləcə də digər tibbi tədqiqatçılar tərəfindən səmərəli müalicə kimi qeyd olunub.
Müdafiə Nazirliyi 15-i reanimasiyada olmaqla 1500 hərbçinin COVID-19 virusuna yoluxduğunu bildirib.
Xatırladaq ki, Charles-de-Gaulle təyyarə daşıyan hərbi gəmisinin göyərtəsində də mindən çox hərbi dənizçidə COVID-19 virusu aşkarlanıb.
