Beyləqanda aztəminatlılara, ahıl və tənha sakinlərə yardım edilib
05.04.2020
Beyləqan rayonunda aztəminatlı ailələrə, ahıl və tənha insanlara xüsusi diqqət və qayğı göstərilir. Rayonda bu qəbildən olan insanlara mütəmadi olaraq baş çəkilir, sosial problemlərinin həllinə kömək göstərilir.
AZƏRTAC xəbər verir ki, rayonda növbəti dəfə 13 nəfər ahıl vətəndaşa və 12 aztəminatlı ailəyə ərzaq yardımı göstərilib.
Beyləqan Rayon İcra Hakimiyyətinin əməkdaşları və ərazi icra nümayəndələri, həmçinin 2016-cı ilin Aprel döyüşlərində şəhid olmuş Məhəbbət Mirzəyev, Şahin Cavadzadə və Ayaz Hüseynovun ailələrinə baş çəkərək onlara yardım ediblər.
