İtaliyadakı vətəndaşlarımız ölkəyə gətirilir
17.03.2020
İtaliyadakı epidemioloji vəziyyətlə əlaqədar olaraq İtaliyadan Azərbaycana qayıtmaq istəyi ilə səfirliyə müraciət etmiş Azərbaycan Respublikası vətəndaşları üçün 17 mart 2020-ci il tarixində axşam saatlarında Roma şəhərindən Bakı şəhərinə birbaşa çarter reysi həyata keçiriləcək.
Bu barədə Azərbaycanın İtaliyadakı səfirliyi məlumat yayıb.
"Səfirlik əməkdaşları aidiyyəti məsələ çərçivəsində müraciət etmiş vətəndaşlarımızın əksəriyyəti ilə fərdi qaydada əlaqə saxlayaraq, onların Vətənə qaytarılması istiqamətində müvafiq təşkilati məsələlər haqqında bu şəxsləri məlumatlandırıb.
Səfirliyə müraciət etmiş bəzi vətəndaşlarımızla telefon rabitəsinin qurulmasında çətinliklərin olduğunu nəzərə alaraq, aidiyyəti məsələ ilə bağlı səfirlikdən zəng qəbul etməmiş vətəndaşlarımızdan təcili olaraq səfirliklə əlaqə saxlamaqları xahiş olunur”.
Telefon nömrəsi: 06 85305557
Qaynar xətt: 349 8155582
