ABŞ-da virusa yoluxanların sayı 1000-ə çatır
11.03.2020
ABŞ-da koronavirusa yoluxanların sayı 1000 nəfərə yaxınlaşıb.
CNN-in xəbərinə görə, ölkə ərazisində 975 nəfər koronavirusa yoluxub, 31 nəfər isə bu virusdan ölüb.
Bundan əvvəl ABŞ-ın Milli Allergiya və İnfeksion Xəstəliklər İnstitutunun direktoru Entoni Fauçi 712 nəfərin virusa yoluxduğu, 27 nəfərin isə öldüyü barədə xəbər vermişdi.
Qeyd edilir ki, ABŞ-da koronavirusdan ölüm halı ən çox Vaşinqton ştatında qeydə alınıb. Ştatda 24 ölüm faktının olduğu bildirilir.
