Almaniyada koronasvirusa yoluxanlar çoxalır
03.03.2020
Almaniyada koronavirusa yoluxma halları 180-ə çatıb.
Yoluxmaların qeydə alındığı 13 federal əyalət arasında ən böyük olan Şimali Reyn Vestfalia 92 nəfərlə irəlidədir.
Koronavirusun ölkədə ilk təsdiqləndiyi Bavariyada 35 nəfərdən 14-ü sağalıb. Həmçinin Baden Vürtemberq əyalətində 26, Hessendə 11 nəfər infeksiyaya yoluxub.
Bununla belə xəstəliklərin müşahidə və qarşısının alınmasına məsul rəsmi qurum olan Robert Kox İnstitutunun martın 2-nə olan məlumatına görə, Almaniyada təsdiqlənmiş yoluxma hallarının sayı 157-dir.
