Ərdoğan: Şərtə əməl olmasa, vurmağa davam edəcəyik
20.02.2020
Türkiyə Silahlı Qüvvələri Suriyanın şimalında Bəşər Əsəd ordusunun mövqelərini vurmağa davam edir.
Xəbər verildiyi kimi, türk ordusu rejim qüvvələrinin Hama və Lazkiyə bölgəsindəki bir çox hərbi bazalarına raket zərbələri endirib.
Hücum zamanı Suriya ordusunun mövqelərinə böyük xəsarətlərin yetirildiyi bildirilir.
Türkiyənin raket zərbələrindən sonra Rusiya Xarici İşlər Nazirliyi açıqlama yayaraq, prezidentlər Vladimir Putin və Rəcəb Tayyib Ərdoğan arasında keçirilmiş görüşlər zamanı əldə edilmiş anlaşmaları xatırladıb:
"Liderlər arasında razılaşdırılmış anlaşmaların şərtləri yerinə yetirilməlidir. Türkiyə İdlib məsələsində bizimlə əməkdaşlıq etməyə hazırdır”.
Dünən Türkiyə Prezidenti Rəcəb Tayyib Ərdoğan Soçi və digər anlaşmaların şərtlərinin yerinə yetirilməyəcəyi halda hər an əməliyyatların bərpa ediləcəyini bəyan etmişdi.
