Lukaşenkonun Qazaxıstan fikri ciddiləşir
11.02.2020
Belarusun "Belneftexim” konserni Qazaxıstanın KPO, NCOC, "Total”, "Tenqizşevroyl” şirkətləri ilə neft tədarükü barədə danışıqlar aparıb.
Bunu jurnalistlərə açıqlamasında Qazaxıstan Energetika naziri Nurlan Noqayev deyib. O, bunun üçün Qazaxıstana "Belneftexim”in nümayəndələrinin gəldiyini bildirib:
"Biz nümayəndə heyətinə Belarusa potensial neft tədürükü edə biləcək şirkətlərlə danışıqlar aparmağa kömək etdik. Nazirliyin məsuliyyət sferasına Qazaxıstandan Belarusa neft tədarükü haqqında müqavilə imzalanması daxildir. Əsas müqavilənin imzalanmasıdir. Qiymət kommersiya şərtləri çərçivəsində olacaq”.
Qeyd edək ki, Lukaşenko Rusiya neftindən aşağı keyfiyyətli və baha olması səbəbindən imtina etdiklərini və digər ölkələrdən, xüsusilə Qazaxıstandan neft tədarükü məsələsinə baxdıqlarını açıqlamışdı.
