Türkiyə əsgərləri və tankları Tripoliyə girdi
30.01.2020
Türkiyə Hərbi Dəniz Qüvvələri Liviyanın paytaxtı Tripoliyə əsgərlər və tanklar gətirib.
Bu barədə Liviyanın "218” kanalı şahidlərə istinadla məlumat yayıb.
KİV-in məlumatına görə, türk əsgərlər Tripoliyə iki hərbi gəmidə gəliblər və bu gün səhər saatlarında sahilə yerləşiblər. Göyərtədə tankların da olduğu bildirilib.
Mediaya danışan şahidlər hərbu sursatların Tripolnin mərkəzindəki Hərbi Hava Qüvvələri bazasına aparıldığını qeyd edib.
Qeyd edək ki, iki gün öncə Liviya mediası 40 türk zabitinin Misrata hava limanına "Afriqya Airways” şirkətinə məxsus təyyarə ilə gəldiyi haqda məlumat yaymışdı.
