“Xiaomi” koronavirusla bağlı mağazalarını bağladı
28.01.2020
Texnologiya nəhəngi "Xiaomi” şirkəti koronavirusla bağlı bir neçə günlüyə Çindəki mağazalarını bağlayacağını açıqlayıb.
Xəbər verildiyi kimi, şirkət mağazalarının 28 yanvardan 3 fevrala qədər bağlı olacağını bildirib. Bu müddət ərzində məhsul əldə etmək istəyən istifadəçilərin tətbiq üzərindən onlayn alış-veriş etmələrini xahiş edib.
Qeyd edək ki, baş ofisi Pekində yerləşən "Xiaomi”nin Çində çox böyük şəbəkəsi var.
Şirkət 2019-cu ilin sonunda ölkə daxilində 100 yeni "Mi Store” istifadəyə verib.
