"Mübariz” operasının premyerası keçiriləcək
17.01.2020
"Mədəniyyət" kanalının təşkilatçılığı ilə yanvarın 17-də saat 19.00-da Dövlət Təhlükəsizlik Xidmətinin Mədəniyyət Mərkəzində Azərbaycanın Milli Qəhrəmanı Mübariz İbrahimovun şücaətindən bəhs edən "Mübariz” adlı bir hissəli operanın premyerası keçiriləcək.
Librettosu şair Şahin Musaoğluna, musiqisi bəstəkar Nərmin Nağıyevaya məxsus olan tamaşanın quruluşçu rejissoru respublikanın Əməkdar artisti İnarə Babayevadır. Baş rolda Əməkdar artist Ramil Qasımov, Əməkdar artist Cahangir Qurbanov,Səbinə Ərəbli, Əməkdar artist Tural Ağasiyev, Taleh Yahyayev, Şaban Cəfərov Elçin Əhədzadə, Aydan Həsənova çıxış edəcəklər.
Quruluşçu baletmeyster Əməkdar artist Ceyhun Qubadov, quruluşçu rəssam Fərid Nəcəfovdur. Tamaşada F.Əmirov adına Əməkdar kollektiv, Azərbaycan Dövlət Mahnı və Rəqs Ansamblı, Azərbaycan Televiziyası və Radiosunun Cahangir Cahangirov adına xoru (xormeyster Şəhla Ələkbərova) iştirak edəcəklər.
