İranın endirdiyi zərbə zamanı ABŞ əsgərləri yaralanıb
17.01.2020
İranın İraqdakı ABŞ hərbi bazalarına raket zərbəsi zamanı 11 amerikalı hərbçi kontuziya alıb.
Bu məlumatı "Defens Van” portalı ABŞ Müdafiə Nazirliyindəki mənbəsinə istinadən yayıb. Məlumata görə, hücum nəticəsində heç bir amerikalı həlak olmayıb.
Kəllə-beyin travması alan hərbçilərin Almaniya və Küveyt xəstəxanalarına yerləşdirildiyi bildirib.
Qeyd edək ki, İranın 8 yanvarda ABŞ-ın İraqdakı Eyn əl-Əsəd bazasına endirdiyi zərbə zamanı sığınacaqlarda olan bəzi əsgərlərin xəsarət aldığı, beton istinadların dağıldığı barədə foto-reportaj yayılmışdı.
