Serxio Ramos rekordçu oldu
19.12.2019
İspaniya La Liqasının 10-cu turundan təxirə salınmış "Barselona" ilə oyun "Real"ın kapitanı Serxio Ramos üçün əlamətdar olub.
Ağ futbolkada 15-ci mövsümünü keçirən 33 yaşlı müdafiəçi "El Klassiko"larda ən çox forma geyinən futbolçuya çevrilib.
İspaniya yığmasının üzvü 43-cü dəfə "El Klassiko" iştirakçısı olub. Beləliklə, arxa xətt oyunçusu əzəli rəqiblərin oyunlarında 42 dəfə iştirak etmiş Manuel Maçis, Pako Xento və Xavini geridə qoyub. "Barselona"nın lideri Lionel Messi də 42-ci belə matçını keçirdiyi üçün geridə qalıb.
Ramos ilk dəfə "Barselona"ya qarşı 2005/06 mövsümündə "Nou Kamp"da top qovub və "Real"ın 0:3 hesablı yenilgisinə şahidlik edib.
