Türkiyə üçün ilk: məşhur aktyor “Emmi” qazandı
26.11.2019
Builki beynəlxalq "Emmi” mükafatının qaliblərindən biri türkiyəli məşhur aktyor Haluk Bilginər olub.
Dövran Media xəbər verir ki, H.Bilginər "Ay Yapım” media şirkətinin istehsalı olan 12 seriyalı "Şəxsiyyət” serialında canlandırdığı baş rola görə "ən yaxşı kişi aktyor” nominasiyasında mükafata layiq görülüb.
H.Bilginər "Emmi” mükafatını qazanan ilk türk aktyor kimi tarixə düşüb.
Bu il mükafata ümumilikdə 21 ölkədən 11 kateqoriya üzrə 44 namizəd təqdim olunub.
Qeyd edək ki, 1949-cu ildən keçirilən "Emmi” mükafatı televiziyanın müxtəlif sahələrini əhatə edir.
