Antalyada rekord turist sayı - Tarixdə İLK
25.11.2019
Türkiyənin Antalya şəhəri tarixdə ilk dəfə 15,6 milyon turist qəbul edib.
Bu məlumatı Türkiyənin "Xəbərlər” portalı yayıb.
Məlumata görə, cari ildə turistlərin 14,6 milyon nəfəri Antalya hava limanına, 300,9 min nəfəri isə Qazipaşa hava limanına gəlib. İstanbul üzərindən tranzitlə gələn turistlərin sayı isə 600 min nəfər təşkil edib.
2019-cu ildə Antalyaya ən çox turist Rusiyadan gəlib. Belə ki, Antalyaya gələn turistlərin 5,4 milyonunu ruslar təşkil edib ki, bu da keçən illə müqayisədə 16% çox olub. Ondan sonrakı yeri Almaniya, Ukrayna, Britaniya vətəndaşları tutub. Bununla bərabər Polşa, Rumıniya, Çexiya, İsveç, Norveç, Fransadan turist axınında da kəskin artım qeydə alınıb.
