ABŞ-ın neft ehtiyatları artıb - RƏSMİ AÇIQLAMA
31.10.2019
Ötən həftənin yekunlarına görə, ABŞ-ın neft ehtiyatları 5,7 mln. barel artaraq 438,85 mln. barelə çatıb.
"APA-Economics"in məlumatına görə, bu barədə ABŞ-ın Energetika Nazirliyi yanında Energetika İnformasiyası Agentliyinin (EIA) dərc etdiyi hesabatda bildirilir.
Məlumata əsasən, bundan öncə analitiklər ABŞ-ın neft ehtiyatlarının 0,5 mln. barel artacağını proqnozlaşdırırdı.
Xatırladaq ki, ABŞ-ın neft ehtiyatları haqqında məlumatlar dünya bazarında olan "qara qızıl"ın qiymətinə əhəmiyyətli dərəcədə təsir edir.
