Şah İsmayıl Xətainin orijinal rəsmi sərgilənəcək - Azərbaycanda
01.05.2018
"Azərbaycanda ilk dəfə çox maraqlı bir sərgi təşkil edəcəyik”. "Dövran Media"nın xəbərinə görə bunu İtaliyanın Azərbaycandakı səfiri Auqusto Massari deyib.
O bildirib ki, Heydər Əliyev Fondunun köməyi ilə Florensiyanın Qalareya Yufitzi muzeyindən Şah İsmayıl və oğlunun orijinal rəsmləri gətirilərək burada sərgilənəcək.
"Şah İsmayılın Azərbaycan üçün rolu nəzərə alınaraq, İtaliya Azərbaycanla dost ölkə olduğu üçün düşünür ki, bu, Azərbaycan üçün yüksək səviyyədə qiymətləndiriləcək simvolik bir tədbir olacaq. Qərar yeni verildiyi üçün sərginin tarixi hələ dəqiqləşdirməyib. Danışıqlar artıq başlanılıb. Çox güman ki, sərgi oktyabrda keçiriləcək", - deyə o vurğulayıb.
