Qızılın qiyməti kəskin düşə bilər
10.10.2019
Dünya bazarında qızılın qiyməti yaxın zamanda birdən birə düşə bilər.
"Praym” agentliyi xəbər verir ki, bunu "Polymetal” şirkətinin icraçı direktoru Vitali Nesis bildirib
Onun sözlərinə görə, böyük ehtimalla qızılın qiyməti ABŞ və Çin arasında ticarət razılaşmasından sonra düşəcək, özü də kəskin şəkildə.
"İndi hamı qiymətin yüksək olduğu üçün eyforiyadadır. Lakin mənim proqnozlarım pessimistikdir”, - deyə mütəxəssis bildirib.
Nesis ABŞ-da baş verən siyasi proseslərin qızlın qiymətinə böyük təsir göstərdiyini açıqlayıb.
Qeyd edək ki, hazırda qızılın bir unsiyasının dünya bazarında qiyməti təxminən 1500 dollardır. İlin əvvəlindən qiymət artımı 15% civarındadır.
