Fransanın eks-prezidenti Jak Şirakla vida mərasimində iştirak üçün Parisə səfər edən Rusiya Prezidenti Vladimir Putinin geri qayıdarkən hava limanında böyük rəğbətlə yola salındığını əks etdirən görüntülər yayılıb.
Xəbər verildiyi kimi, Paris Hava Limanının əməkdaşları səfərini başa vuran liderlə şəkil çəkdirmək üçün növbəyə dayanıblar.
Putin təyyarənin göyərtəsinə qalxmazdan əvvəl hava limanının əməkdaşları onunla şəkil çəkdirmək istəyiblər, daha sonra onların sırasına fransız polisi də qoşulub.
Putin təklifi qəbul edib, işçilərin hər biri ilə tək-tək görüşüb və sonda şəkil çəkdirib.
