MiQ-29-un uçuşları dayandırıldı
29.09.2019
Slovakiya Hərbi Hava Qüvvələrinin komandanlığı MiQ-29 təyyarələri ilə həyata keçiriləcək təlim uçuşlarının müvəqqəti dayandırılması barədə qərar qəbul edib.
Bunu Slovakiya Müdafiə Nazirliyinin rəsmi nümayəndəsi Danka Çapakova deyib. Belə addımın atılmasına Nitryansk vilayəti yaxınlığında baş verən qəza səbəb olub.
Qeyd edək ki, MiQ-29 Slovakiyada dünən qəzaya düşüb. Qəza zamanı pilot katapult edib. İlkin ehtimal olaraq yanacaq çatışmazlığı qəzaya səbəb kimi göstərilsə də, Müdafiə Nazirliyi bu iddianı təsdiqləməyib.
