İran yeni ballistik raketlərini təqdim etdi
22.09.2019
İran Tehranda keçirilən hərbi paradda "Xurdad-15” raketdən müdafiə sistemlərinin istifadə edə biləcəyi 18 növ yerli istehsal yeni ballistik raketlərini təqdim edib.
Bu barədə "FARS” agentliyi informasiya yayıb.
Nümayiş olunan silahlar arasında 2 min kilometrdən artıq məsafəni qət edən raketlərdə istifadə olunan yeni döyüş başlığı da təqdim edilib. Döyüş başlığının maksimal çəkisi – 1.8 tondur.
İran hərbçiləri paradda həmçinin yeni zirehli maşın və artilleriya sistemlərini təqdim ediblər.
