Yeni dəyişiklik - onlar sürücülük hüquqlarını itirəcəklər
12.09.2019
Azərbaycanda icbari tibbi müayinə zamanı nəzərə çarpan nevroloji simptomatika ilə müşahidə olunan kəllə sümüyünün travmatik deformasiyası və defekti aşkarlanan avtobus sürücüləri sürücülük hüquqlarını itirəcəklər.
APA-nın məlumatına görə, bu, Səhiyyə Nazirliyinin Kollegiyasının "İşçilərin icbari tibbi müayinələrin keçirilməsi tələb olunan işlərin Siyahısı”nda etdiyi dəyişiklikdə əksini tapıb.
Bu tibbi əks göstəriş avtobus idarə etmək hüququ verən "D” və D1” kateqoriyalı sürücülük vəsiqəsinə malik sürücüləri, o cümlədən qoşqulu avtobus idarə etmək hüququ verən "DE” və "D1E kateqoriyalı sürücülük vəsiqəsinə malik sürücüləri əhatə edir.
Qeyd edək ki, yerüstü nəqliyyatın idarə olunması ilə əlaqədar işlərdə çalışanlar 2 ildə bir dəfə icbari tibbi müayinədən keçməlidirlər.
