Ankaradan ABŞ-a reaksiya: Bizə qarşı təhdiddir
07.09.2019
Rəsmi Ankara ABŞ Dövlət Departamentinin Türkiyəyə səfər etməməklə bağlı öz vətəndaşlarına etdiyi müraciətə sərt reaksiya verib.
Türkiyə Xarici İşlər Nazirliyi bəyanatında Türkiyənin bütün şəhərlərinin ölkə vətəndaşları və xarici qonaqlar üçün rahat və təhlükəsiz olduğunu qeyd edib. Nazirlik bu xəbərdarlığın xoş niyyətlə qələmə alınmadığını bildirib:
"Türkiyə hökuməti terrorizmlə mübarizəni sonadək davam etdirməkdə qətiyyətlidir. Bu mübarizəyə başqa don geyindirmək ölkənin təhlükəsizliyinə qarşı təhdiddir. Şərq və cənub-şərqdəki şəhərlərimizlə bağlı açıqlamaları həqiqəti əks etdirmir. ABŞ rəsmilərinin sözügedən açıqlaması məntiqdən uzaqdır".