Bu gün ilk dərs günüdür - Rusiyada
02.09.2019
"Dövran Media" Azərtac-a istinadən xəbər verir ki, ənənəvi olaraq Bilik Günü Rusiyada sentyabrın 1-də qeyd olunur. Bu il sentyabrın 1-i bazar günü olduğu üçün təhsil ocaqları bayramı sentyabrın 2-də qeyd edir.
Rusiya Təhsil Nazirliyinin məlumatına görə, cari ildə 16,5 milyondan çox şagird məktəbə gedəcək ki, bu da ötən illə müqayisədə təxminən 2 milyon çoxdur. Ölkədə 42 min orta məktəb fəaliyyət göstərir. Ali məktəblərə isə 4,1 milyon tələbə yay tətili və təcrübələrindən sonra qayıdacaq, yaxud birinci kursda ilk mühazirələri dinləyəcək.
