Zelenskinin adamı Baş nazir seçildi
30.08.2019
Ukraynanın yeni Baş Nazirinin adı müəyyənləşib.
Ali Radanın yeni tərkibdə keçirilən ilk iclasında Aleksey Qonçaruk ölkənin Baş naziri vəzifəsinə seçilib.
O, bu vəzifəyə yeganə namizəd olub.
Qeyd edək ki, 35 yaşlı Aleksey Qonçaruk hüquq üzrə fəlsəfə doktorudur. O, hazırda Ukrayna Prezidentinin aparat rəhbərinin müavini vəzifəsini tutur və iqtisadi islahatların həyata keçirilməsinə nəzarət edir.
Aleksey Qonçarukun namizədliyini prezident Vladimir Zelenski irəli sürmüşdü.
