"Qarabağ"ın oyunu bu hakimə tapşırıldı
18.08.2019
Şimali İrlandiyada "Linfild" və "Qarabağ" komandaları arasında keçiriləcək Avropa Liqasının ilk "pley-off" matçı üçün bütün təyinatlar açıqlanıb.
Avqustun 22-də Belfastdakı "Vindzor Park”da təşkil olunacaq qarşılaşma isveçrəli hakimlər briqadasına tapşırılıb.
Oyunu Sandro Şaarer idarə edəcək. Ona Stefan De Almeyda, Bekim Zoqay yardım edəcək.
Dördüncü hakim funksiyasını Fedayi San yerinə yetirəcək.
Qeyd edək ki, cavab görüşü avqustun 29-da Bakıdakı Tofiq Bəhramov adına Respublika stadionunda keçiriləcək.
