"Liverpul"da Alisson şoku
10.08.2019
"Liverpul"un əsas qapıçısı Alisson Bekker "Çelsi" ilə qarşılaşacaqları UEFA Super Kuboku matçında iştirak etməyəcək.
Bu barədə komandanın baş məşqçisi Yurgen Klopp Premyer Liqanın ilk turunda evdə "Norviç"i 4:1 hesabı ilə məğlub etdikləri görüşdən sonra məlumat verib.
Klopp deyib ki, 26 yaşlı qolkiperin zədəsinin ciddiliyini qiymətləndirməlidirlər: "Əlbəttə ki, bu bizim üçün çox xoşagəlməzdir. Alisson oyunu davam etdirə bilmədi. O, Super Kubok oyununda meydanda olmayacaq. Artıq bu dəqiqdir".
Qeyd edək ki, avqustun 14-də İstanbul şəhərindəki "Vodafon Arena"da keçiriləcək UEFA Super Kuboku Bakı vaxtı ilə saat 23:00-da başlayacaq.
