Avropada ən çox gənc Azərbaycandadır
03.08.2019
Azərbaycan Avropada 25-29 yaş arası insanların faizinin ən çox olduğu ölkədir.
"Dövran Media" Trend-ə istinadən bildirir ki, bu barədə "Eurostat"ın hesabatında deyilir.
Hesabata əsasən, Azərbaycan əhalisinin 9,4 faizi bu yaş qrupuna aiddir.
Gənc nəslin daha çox olduğu ölkələr arasında həmçinin Malta (8,4 faiz), Albaniya (8,2 faiz) və İslandiya (8 faiz) yer alıb.
25-29 yaşlı gənclərin ən aşağı faizi isə İspaniya və İtaliyada qeydə alınıb. Bu ölkələrdə gənc nəsil əhalinin 5,4 faizini təşkil edir.
Bundan başqa, Almaniyada əhalinin 6,4 faiz, Fransada 5,8 faizi, Böyük Britaniyada 6,9 faizi, Türkiyədə isə 7,7 faizi 25-29 yaş arası gənclərdir.
