Ölkəmizdə Feysbuk istifadəçiləri azalıb
03.08.2019
Bu ilin iyul ayında Azərbaycanda Feysbuk istifadəçilərinin fəallığı iyun ayı ilə müqayisədə 12,7 faiz bəndi azalıb.
APA-nın verdiyi məlumata görə, avqustun 1-nə Feysbukun Azərbaycanın sosial media bazarında payı 51,6% təşkil edib ki, bu da ötən ilin müvafiq göstəricisindən 24 faiz bəndi çoxdur. Populyarlığına görə Feysbuk ölkənin sosial media bazarında birinci yeri tutur.
Sosial şəbəkələri arasında populyarlığına görə ikinci yerdə "Pinterest" qərarlaşıb ki, onun istifadəçilərinin ölkə üzrə fəallığı iyul ayı ərzində 33,8 faiz bəndi artıb. Bu sosial şəbəkənin Azərbaycan bazarında payı cari ilin avqustun 1-nə 18,5% təşkil edib, bu da ötən ilin analoji göstəricisindən 2,1 dəfədən çoxdur.
Bu ilin iyul ayı ərzində ölkə üzrə Yutub şəbəkəsinin istifadəçilərinin fəallığı 6,1 faiz bəndi azalıb. Avqustun 1-nə olan məlumata əsasən, Yutub Azərbaycan sosial media bazarında 12,2% bazar payı ilə 3-cü yerdə qərarlaşıb ki, bu göstərici ötən ilin müvafiq dövrü ilə müqayisədə 56,6 faiz bəndi azdır.
Digər sosial şəbəkələrin pay bölgüsü: Tvitter" – 9,51%, İnstaqram – 4,37%, VKontakte – 1,47%, Quql+ – 0,15% və s.
