Azərbaycan millisi Braziliyaya qalib gəldi
29.07.2019
2020-ci ildə Tokioda keçiriləcək Yay Olimpiya Oyunlarına lisenziya xarakterli təsnifat turnirinə hazırlaşan voleybol üzrə qadınlardan ibarət milli komandamız məşqlərini Braziliyada davam etdirir.
Azərbaycan Voleybol Federasiyasından verilən məlumata görə, komandamız təlim-məşq toplanışı çərçivəsində Braziliyanın "Esporte Pinheiros" klubu ilə yoldaşlıq oyunu keçirib. Görüş millimizin 3:2 hesablı qələbəsi ilə başa çatıb.
"Tokio 2020”yə təsnifat turnirinin oyunları avqustun 1-3-də keçiriləcək. Millimiz meydan sahibi Braziliya ilə yanaşı, Dominikan Respublikası və Kamerunla eyni qrupda mübarizə aparacaq.
