“Neftçi”nin təyyarə problemi həll edildi
24.07.2019
UEFA Avropa Liqasının II təsnifat mərhələsi çərçivəsində Tula "Arsenal”ı ilə ilk oyunu üçün Rusiya paytaxtına yola düşən "Neftçi”nin təyyarə problemi aradan qaldırılıb.
Bakı-Moskva reysi ilə yola düşən paytaxt komandası 5,5 saatlıq ləngimədən sonra yola düşə bilib.
Qeyd edək ki, "Neftçi” Moskvaya çatdıqdan sonra oradan Tulaya yola düşəcək. Komandamızı oyunun keçiriləcəyi şəhərə daha 2,5 saatlıq yol gözləyir.
Xatırladaq ki, "Arsenal” - "Neftçi” oyunu sabah Bakı vaxtı ilə saat 21:00-da başlayacaq. Bu gün saat 18:30-da "Neftçi”nin baş məşqçisi Roberto Bordinin mətbuat konfransı, 19:00-da isə komandanın məşqi nəzərdə tutulub.
