İranda qarşıdurma: “Sepah”çılar öldürüldü
22.07.2019
İranın Sistan-Bəlucistan əyalətində sünni məzhəbinə məxsus müxalif bəluclarla baş verən silahlı qarşıdurmada 2 "Sepah”çı öldürülüb, 2-si yaralanıb.
Bu barədə "Sepah”ın "Qüds” qərargahı məlumat yayıb.
Məlumata əsasən, hadisə Sistan-Bəlucistan əyalətinin Pakistan sərhədinə yaxın Səravan şəhərinin Keştqan məntəqəsində baş verib. Bölgədə reyd keçirən "Sepah”çılarla kimliyi hələlik bəlli olmayan yaraqlı bəluclar arasında qarşıdurma yaranıb. Atışma nəticəsində 2 "Sepah”çı (Möhsün Nəqibi və Əbdülxaliq Drazhi) yerindəcə öldürülüb, 2-si (Məhəmməd Suri və Şəmsəddin Budaq) yaralanıb.
Yaralılar xəstəxanaya yerləşdirilib. Yaraqlı bəluc dəstə üzvlərinin hansı müxalif bəluc təşkilatına bağlı olması barədə hər hansı bir məlumat yayılmayıb. Müxalif bəluclar hadisə yerindən qaça biliblər.
